ETP-GTI Becora

KAPÍTULU III

LIA KOTUN

A.  Rezumu kona ba Jornada no Relatóriu

Bazeia ba Esplikasaun iha leten, hau foti Rezumu ikus mak hanesan tuir mai ne’e;

1.    Husi Estájiu mak atu atinji Objetivu prosessu aprendisajen iha área Edukasaun liu-liu iha Escola Técnica Professional Grupo de Tecnologia e Indústria (ETP-GTI) Becora, espesialidade iha área Informátika ne’ebé hau aprende ba

2.    Estájiu hanesan Aktividades ida ne’ebé hala’ó hodi realiza ka Aplika ami nia koñesimentu ne’ebé ami hetan iha Prosessu Aprendisajen

3.    Bele hetan Experiêsia no koñesimentu di’ak liu tan kona ba knaar ka servisu ema Técniku nian

4.    Husi Estájiu mos ami bele hetan Experiêsia servisu oitoan husi Instituisaun ne’ebé ami hala’ó ami nia Estájiu ba

B.  Lia Menon

       Relatóriu ne’e hau forma ho kapasidade ne’ebé mak hau iha i ho Língua ne’ebé mak minímu liu, karik iha lia fuan balu ne’ebé la kompleitu (falta) ka la monu ba Professor no kolega sira nia laran, ho haraik-aan hakerek na’ín husu ita bo’ot sira nia komprensaun no kolabrasaun atu halo kompleitu liu tan.

Ikus liu hau Estudante ETP-GTI Becora 3­­­⁰ Ano husi Departamentu Informátika ne’ebé mak durante ne’e hala’ó hau nia Estájiu iha Ministério da Solidariedade Social (MSS) Nacional Dili, hakarak fó hela lia menon ba responsavel da Eskola Técnico Professional Grupo de Tecnologia e Indústria (ETP-GTI) Becora katak, husu ba responsavel da Eskola ida ne’e atu kontinua nafatin hala’ó programa Estájiu ne’e ba iha Estudante 3⁰  ano sira iha tinan oin mai, wainhira Estudante sira atu remata sira nia Estudu husi Eskola ida ne’e. Tanba liu husi Estájiu ne’e Estudante sira bele hetan Experiêsia no Koñesimentu kle’an liu tan kona ba Ciêsia ne’ebé mak Estudante sira hetan iha Prosessu aprendisajen, molok Estudante sira hakat ba kontinua aprende iha nível tuir mai no liu husi programa Estájiu ne’e Estudante sira bele hatene no iha koñesimentu kona ba knaar ka servisu ema Técniku nian.